< Zurück zur Übersicht
(Seite 1 von 1)

Someone to talk about all that shit in life...

deniis_e
Geburtsjahr
1998
Geschlecht
weiblich
Tätigkeit
Bekleidungsgestalterin

Salüü :)

Schön nimmschder en Momänt ziit, zum mier zuelose.

When will I feel this?

Ich bin traurig und bedrückt. Ich möchte weinen, möchte alles herausschreien, aber ich kann nicht. Ich verschliesse mich und setze diese ausdruckslose Miene auf. Ich beisse mir auf die Zähne um mich abzulenken und diese Fassade aufrecht zu erhalten. Ich kann mich nicht von mir lösen und meine Gefühle zulassen...

En chliine iblick i mini gedankewält, durchus oft au positiv, aber oft au plagt dur villi zwiifel...

Antworten

Antworten sortieren

Antwort

Lini
Geburtsjahr
1999
Geschlecht
weiblich
Tätigkeit
Studentin

Heii Denise

Sich öffne und sini Gfühl zbefreie isch alles andere als liecht. Jede schleppt sis hüüfeli mit sich mit. Ich finds aber mega guet das du drüber rede bzw. schriebe willsch. Mir persönlich het das immer sehr gholfe.

I würd dir gern zuelose, dörfsch me gern schriebe wenn du magsch. :)

Antwort

Pascal
Geburtsjahr
1994
Geschlecht
männlich
Tätigkeit
Autor, wandern, lesen

Hallo Deniis

Denn gohts der ähnlich wie bi mer. Au bi mer esch im Moment chum was los und das dämpft mini Stimmig.

Lass üs doch zäme ablenke und öber alles rede und üs demit ablänke

Kommentare

Kommentar
deniis_e |
Geburtsjahr
1998
Geschlecht
weiblich
Tätigkeit
Bekleidungsgestalterin

Hey Pascal :)

Ich dänke, bis zumne gwüsse grad ish ablänke in ornig.. aber schlussändlich mömmer doch mit üs klar cho. Mer chan ned ewig vor sich sälber wägrenne.. :)

Lg Denise

Kommentar
Pascal |
Geburtsjahr
1994
Geschlecht
männlich
Tätigkeit
Autor, wandern, lesen

Definitiv aber es esch immer wechtig de Wäg mit Kollgege und Mönsche z go, wo der immer s Ziel vor Auge hebed :)

Antwort

Fio
Geburtsjahr
1999
Geschlecht
weiblich
Tätigkeit
-

Hoi

wünsche dr viel Chraft und das du e guete Wäg findisch mit dine Gfühl . Was mir scho gholfe het wenn mir mini Gedanke z viel gworde sind, oder ich nid gwüsst han wie mit mine Gfühl umzgoh bzw Gfühl usezloh, isch si irgendwie feschtzhalte oder au lut uszspräche. Eifach ufere Sprochmemo alles usezlo was mr dure Chopf got, ungfilteret. Odr ufschribe. Dampf abloh. I persönlich finde so ame wiedr me Platz für neui Gedanke und cha Gfühl so besser handle.

Ich kann mich nicht von mir lösen und meine Gefühle zulassen... Goht mir ame ähnlich. I glaub das isch zwar mängisch blöd aber au inordnig.

wenn de magsch schribe, i fänds schön mich usztusche, zuezlose.