Oha da bisch ja echt inre blöde Situation. Wie bisch denn dezua ko, dass ihres Tagebuach liesisch, wenn i froge dörf?

Und siner det scho lang zemme gsi, wo da passiert isch?

Hmm, i cha der nur vo minere Erfahrig sege. I han e Kollegin wo ihre Fründ am Afang vo de Bezüchig au mol betroge ka hett, will ma nid weiss ob's würklich öpis isch oder nid (isch kei Entschuldigung, will es grundsätzlich nid korrekt isch), aber eze noch 7 Johr sins verhürotet.. Und sie hets au niameh gmacht.

Was hesch den welle wüsse, was isch dMotivation dehinter gsi, dass es gmacht hesch?

Also es isch sicher nid gad so guat, dass du ihres Tagebuach glese hesch, aber i cha mer nid vorstelle, dass sie wega dem Schluss mache wür. Wenn sie dich liabt und du ihre erklärsch wia du dich gfühlt hesch i dem Moment und wieso du das glese hesch, wird sie die vlt au verstoh, oder hässig sie, denn musch ihre au dia Zit geh, aber gad Bezüchig beenda...

Isch hald mis Empfinde, hoffe mini Antwort nützt der was..

Du saisch jo, sie hegi dich nur FASCHT betroge. Es isch also nüt passiert, oder? Wo liit denn s problem?

S problem ih dere Beziehig isch wo andersch. Du suechsch jo regelrecht noch Fähler. Zersch s lese vom Tagebuech, wad jo wahrschindlich gmacht hesch zum sueche, öb sie en fehler gmacht het, und etz s uufbausche, vo öppisem wo gar nöd so schlimm isch (solang würkli nüt passiert isch)

Mengmol gitz sexuelli spannige zwüsched zwai mensche, da haisst aber no lang nöd, das mer mit dere person grad de partner betrügt. Hesch jo sicher auh scho mit anderne gflirtet, während innere beziehig gsiih bisch. Söttsch da nöd so eng gseeh, sondern eher überlegge, wo de würklich hoogge isch.