ungsundi bezüchig?
hei iar liaba
i will do ei etzt ni en halba roman drüber verzehla was bi miar so passiart isch und wieso i do bin (also froga beantworti schu) aber i wär mega froh wenner miar euri erfahriga nenna könnten mit ungsunda bezüchiga.
so wenner schumol innara ungsunda bezüchig gsi sind wia hender das festgstellt?
was het eu druf higeissa dass de mensch eu ni guat tuat?
wia hender ei schlussentli könna vh dem mensch trenna?
i wär mega froh über erfahrigsbricht und danka jedem wo sich zit nimmt do druf zantworta.
danka viel mol etzt schu 😊
Antworten
Antwort
hellow,
ich han au eh bezihig gha wo 3 johr gange isch und die isch au ned würklich "eh gsundi bezihig" xsi...
also es isch sicher scho mol ned eifach so öppis müsse festzstelle, aber du chasch dich jetzt eifach sälber es paar froge beantworte und dir rächt schnäll so ehn überblick schaffe;
findsch du die bezihig het so no zuekunft?
bisch du no glücklich?
isch es fair wie ihr met ehnand umgönd?
willsch du no für die bezihig kämpfe?
und den musch sicher sGspröch sueche zu dim fründ, ihr münd sicher au zäme rede zum euch chöne über das ganze ustusche.
ich hoffe das isch dir eh hilf, du schaffsch das!
ps: falls er dich physisch verletzt den würdi sowiso grad alles ufgeh!