hey raymond, dini Situation isch ja echt kei eifachi.

Findi guet das dich mit dim Wese unsenand setzisch, isch aber ned ganz eifach idem Alter. Generell isch dis Alter eh schwäri Zitt, für dich und au für dini Eltere. Das isch öppis ganz wichtigs wod gseh muesch, dini Eltere sind inere Zitt uffgwachse wos die ganze Gender-Gschichtene nöd Ahsatzwiss geh het. Das ghöreds hüt usem Fernseh und etzt verstönds wahrschinlich d'Welt nüme wenn ihres eignigte Chind sich für das entscheidet. Au weni finde das dini Eltere ned würklich guet mit de Sitaution umgönd findi wichtid das du für sie Verständnis hesch - ich denk sie sind mit dere Situation eifach recht überforderet und simmer ehrlich wer weri das scho nöd. Wasi denke chönt helfe bih dim Problem, isch dasd namal mit dine Eltere zemehocksch und seisch dases momentan nume eh Phase isch (au wens ev. meh als das isch) und sie so ahde Gedanke drah gwönsch. Das du dir das namal muesch gnau überlege will der hald selber naned sicher bisch. Und froh wersch wen das Thema ned die ganz zit uf de Tagesordnig staht. Uf kein Fall würi uf die rebellischi Schiene gah und dich mega uflehene geg dini Eltere und eifach das mache wo du wetsch. Mit dem isch niemrtem ghulfe, bsunders ihnere Familie ned, wos so wichtig isch das mehr gmeinsam eh Lösig oder ehn Kompromiss findet. Und es giht ja au anderi Sache wod chasch als Bueb uslebe ussert dini Harre abschniede.

Wasi aber dir au nah wett uf de Weg geh, 16i isch es schwierigs Alter und idem Alter trifft mehr eigentlich kei Entscheidige fürs lebe. Mir alli hend Phasene gah womer es Zitli lang verfolgt hend. Wens aber meh als das isch, isch das au okay. Aber den gwöhn dich mal ganz schnell drah, das ganz viel Verständnis für dis Umfeld wirsch mösse uffbringe. Ohni wirds nöd gah.

Villicht holsch der aumal nah ehn Ratschlag vonere lokale LGBT-Community. Die hend da alles schomal durregmacht und chönt der sicher mit de bessere Ratschläg helfe! Ahlaufstelle gihts ja schönerwiss mitlerwilli scho gnueg!

Uffjedefall ganz viel Erfolg uf dim Weg!

Hoi liebe Raymond!

S‘tuet mr echt leid dass dini Familie dich nid verstoht.

Ich denk s‘Bescht wär, dass du di in Kontakt setzisch mit Lüt vo de Community. Lüt wo dich verstönd. Denn fühlsch di evtl. weniger allei mit dine Gfühl, Ängst und Problem. Vieli trans Mensche händ so ähnlichi Problem und Situatione mit de Familie duregmacht und vlt könne sie dir sage wie sie mit dem umgönnd und was für Lösige sie gfunde händ.

Ich kah dr die Siite empfähle wo du dich gratis kasch berote loh (per E-Mail oder persönliches Treffe) und Froge stelle an Lüt vo de Community bzgl. de Thematik vo Gschlechtsidentität und Unterstützig während Coming-Outs: https://du-bist-du.ch/beratung/

Und in dere Agenda findsch ussrdem Treffe wo in de ganze Schwiz stattfinde: https://www.tgns.ch/de/agenda/

Du bisch nid allei und es isch nix falsch dra mit wie du dich fühlsch.

Hei Raymond. Ich weiss ned inwiefern ich dier chan helfe, hoffes aber gliich immerhin es offnigs ohr biete z chöne und so "bizstah". Ich bi zwar nöd trans* aber gliich teil vo de LGBT+ community und kenns vo mir selber dasses helfe chan sich mit lüt z unterhalte, rat z sueche etc., wo halt immerhin en teil vom "Problem" (bzw vom Problem wo us Sache gmacht werded, wo gar ned als problematisch, schlimm, was au immer ahgseh werde söttet...) nahvollzieh chönd.. Kennsch z.b. lüüt wo au i de community sind oder hender i de bruefsschuel vilich so schüelergruppene oder so (gits bi eus leider nöd aber chönnt ja mal sii)? oder falls niemert i dim persönliche umfeld hesch wo du dich ahvertraue chasch, lueg mal bi https://milchjugend.ch verbii (bacardi hett ja wiiter une au scho so siite verlinkt). was d reaktione vo diine eltere ahbelangt, die chamer numal schlecht ändere, was du aber ändere chasch ishc wie du demit umgahsch. d.h. wie du lüüt oder ihri meinige (sind sie au diskriminierend oder so) gsehsch. z.b. versueche izgseh, dass sie eifach nonig so wiit sind, das z akzeptiere was für dich als eidüütig und natürlich isch. klar isch es scheisse und schwirig aber es isch besser als dass du dir ihredsch sie würed dich als person nöd liebe und wertschätze will sie mit dem noni klarchömed. dadefür chönntsch, au wenn ders thema bis zum hals staht, s gspröch versueche zsueche und dir gliichzitig anderswo en "safe space" schaffe....

naja, ich hoff das isch jetzt nöd nur total sinnloses gelabere gsii^^ LG und alles alles gueti für diich